Gofal hosbis yn y cartref

Darllen y dudalen hon yn Saesneg

Read this page in English

Beth yw gofal hosbis yn y cartref?

O nyrsio a gofal personol i gefnogaeth emosiynol, mae gofal hosbis yn y cartref yn darparu gofal arbenigol ac ymarferol yng nghysur eich cartref eich hun. Gallwn reoli eich symptomau, eich helpu i gynllunio'r gofal sydd ei angen arnoch a darparu’r gefnogaeth emosiynol hanfodol, fel eich bod yn teimlo'n ddiogel, yn dawel eich meddwl ac yn cael y gwasanaethau hanfodol na fyddai ar gael fel arall. Mewn rhai ardaloedd, yn dibynnu ar y cymorth sydd ei angen arnoch, efallai y gallwn ddarparu ein gwasanaeth Gofal Hosbis Brys yn y Cartref, gan ddod â gofal cyflym ac ymatebol i chi fel nad oes rhaid i chi aros am yr ymweliad nesaf sydd yn y dyddiadur, ac osgoi'r pryder o ruthro i'r ysbyty. Mae gwasanaethau gofal hosbis Marie Curie gartref yn helpu pobl ag unrhyw salwch y maent yn debygol o farw ohono, a'r bobl sy'n agos atynt.

Marie Curie Nurse caring for a patient at home in their living room

Pa ofal hosbis allwn ni ei gynnig?

Bydd y gofal a'r cymorth a ddarparwn yn amrywio yn dibynnu ar eich anghenion unigol a pha wasanaethau sydd ar gael yn eich ardal. Gall gynnwys:

Sut i gael gofal hosbis yn y cartref

Gall y gweithwyr iechyd a gofal cymdeithasol sy'n gofalu amdanoch eich cyfeirio at y gwasanaethau. Mae hyn yn cynnwys eich tîm ysbyty, nyrs ardal, staff cartrefi gofal neu feddyg teulu. Bydd eich nyrs ardal neu feddyg teulu yn trafod gyda chi a yw ein gwasanaethau'n iawn i chi a pha fath a hyd y gofal fyddai fwyaf defnyddiol. Os yw'r ddau ohonoch yn cytuno y byddech yn elwa o'r gofal a gynigiwn, byddant yn cysylltu â ni ac yn trefnu Nyrs Marie Curie i ymweld â chi.

Patient parent at home with their child being looked after by a Marie Curie Nurse

“

Roedd Neil gartref a doedd e ddim mewn poen pan fu farw, a dyna'r cyfan oedd o eisiau o'r dechrau. Ni allwch ofyn am fwy. Roedd Marie Curie yn wahanol i unrhyw un arall ar ei daith.

Ro'n i wedi bod yn gwneud popeth iddo fo ac yn gwybod yn union sut oedd angen gwneud pethau - roedd Marie Curie yn deall pob dim yn syth. Yr ymdeimlad o ofal oedd ganddynt i Neil, wel galla i ddim ei roi mewn geiriau, hyd yn oed.

Georgina, cafodd ei gŵr Neil gofal cartref gan Nyrsys Marie Curie.